Një aksident i rëndë ndodhi mëngjesin e sotëm në aksin rrugor Librazhd Elbasan, ku një makinë me 5 persona përfundoi në në rrjedhën e lumit Shkumbin.
Nga raportimet mësohet se në mjetin tip ML që po udhëtonte drejt Librazhdit, ishte pjesëtarët e një familjejenga Kalimashi, 3 prej të cilëve u nxorën të vdekur nga lumi, dhe 2 të tjerë me shenja jete.
Viktimat janë Elmi Keqa vjeç 53 dhe bashkeshortja Elona Keqa, dhe shtetasi Elis Sulmataj 18 vjeç, ndërkohë që janë plagosur shtetasi Elisiado Keqa rreth 10 vjec, Ambra Halili.
Dy personat e shpëtuar me shenja jete janë dërguar drejt spitalit të Traumës në Tiranë, për të marrë ndihmë mjekësore.
Operacioni i nxjerrjes së trupave ka qenë mjaft i vështirë, për shkak të terrenit mjaft të thyer, si dhe rrjedhës së lumit, e cila ka qenë e furishme për shkak të reshjeve të shiut që kanë rënë gjatë natës.
Është dashur ndërhyrja e fadromës për të bërë të mundur nxjerrjen e mjetit nga lumi, ndërkohë që kërkimet në lumë janë kryer dhe nga polumbarë të mbërritur nga Tirana.
