Tre persona kanë humbur jetën si pasojë e aksidentit të ndodhur mëngjesin e sotëm në rrugën Elbasan-Librazhd, ku një makinë ka rënë në lumin Shkumbin.
Policia ka konfirmuar se brenda makinës ndodheshin gjashtë persona, tre prej të cilëve raportohet se kanë humbur jetën.
Ndërsa tre të tjerë janë nxjerrë nga automjeti me shenja jete, ku një fëmijë 9-vjeç ndodhet në gjendje më të rëndë dhe është nisur drejt Tiranës.
Policia ndërhyri për të nxjerrë makinën nga lumi me eskavator dhe në atë moment njërin prej trupave të pajetë e mori rrjedha e ujit, ndërsa dy të tjerët u gjetën të pajetë brenda makinës.
Gjithçka ndodhi pasi makina që ra në lumë u përplas me një tjetër automjet tip ‘Ford’.
