Një ngjarje e rëndë është shënuar mëngjesin e kësaj të marte në aksin kombëtar Librazhd- Elbasan, ku një makinë ka humbur kontrollin dhe ka përfunduar në rrjedhën e Lumit Shkumbin.
Deri tani raportohet se është shënuar një viktimë nga aksidenti.
Nga mjeti janë nxjerrë 3 persona, 1 burrë, 1 grua dhe një fëmijë i moshës 9 vjeç. Vogëlushi ndodhet në gjendje të rënduar dhe është drejtuar për në Spitalin Nënë Tereza në kryeqytet, për t’iu nënshtruar një ndërhyrjeje.
Sakaq, bëhet e ditur se ende ndodhen 2 persona të mbyllur brenda në makinë.
Nuk dihet nëse ata mund të shpëtohen ose jo, pasi mjeti ndodhet 4 metra në thellësinë e ujit dhe nxjerrja e tyre në një kohë të shpejtë është tepër e vështirë.
