Ish-kryeministri Sali Berisha ka mohuar të ketë ndërhyrë që Voltana Ademi të tërhiqej nga garimi për zgjedhjet e 6 marsit për Bashkinë e Shkodrës.
Berisha u shpreh se e kishte mbështetur vendimin e saj, por nuk kishte ndërhyrë as tek ajo, e as tek të tjerë.
“Nuk ka pasur asnjë marrëveshje. Nëse do kandidonte dhe fitonte, do të kishte mbështetjen time. Kam vlerësuar qëndrimet e saj kurajoze. S’i kam kërkuar askujt që të mos kandidojë. Asnjë lloj ndërhyrjeje nuk ka pasur nga Sali Berisha,” – u shpreh Berisha ndër të tjera në Syri Tv.
Në primaret për Shkodrën e organizuara nga Komisioni i Rithemelimit fitoi ish-deputeti Bardh Spahia me një diferencë të thellë me ndjekësit e tij.
