Reperi Noizy ka dhuruar 14 mijë e 500 euro, për vogëlushen 2-muajshe, Reanta Balliu, e cila ka nevojë për një transplant.
Për të bërë ndërhyrjen familjes i duheshin 26 mijë euro. Pas dhurimeve të shumta, shuma e majmë e reperit mundësoi që çifti Balliu dhe e vogla e tyre, e diagnostikuar me një anomali në aparatin tretës, të mund të udhëtojë drejt Italisë për t’u operuar, shkruan noa.
Pak orë pasi lindi, Reanta iu nënshtrua një operacioni tepër të vështirë e në kirurgjinë e spitalit pediatrik në QSUT, por gjendja e saj paraqitej kritike dhe kishte nevojë për transplanto i cili nuk mund të bëhej në vendin tonë.
Në pamundësi ekonomike familja apeloi për ndihmë.
