Komisioni i Pavarur i Kualifikimit, KPK shpalli të premten vendimin e konfirmimit në detyrë të gjyqtarit të Gjykatës Administrative të Shkodrës, Gentian Marku.
Gjatë seancës dëgjimore që u zhvillua të martën më 25 janar, Marku u përball me disa pyetje për transaksionet e kryera me tokën e marrë nga familja e tij përmes ligjit 7501 dhe iu kërkuan shpjegime për një prej denoncimeve për kriterin profesional. Problemet e gjetura në krieterin e pasurisë, përfshi edhe pamjaftueshmëria financiare për kryerjen e transaksioneve u sqarua se i përkisnin periudhës përpara fillimit të detyrës, raporton BIRN.
Gjyqtari Marku u vlerësua pozitivisht për pastërtinë e figurës.
Trupa që shqyrtoi çështjen ndaj Markut kryesohej nga Suela Zhegu, me relatore Brunilda Bekteshi dhe me anëtare Firdes Shuli.
