Anëtarët e Komisionit Parlamentar të Ligjeve, u përfshinë në debate mes tyre, pasi Erion Veliaj, Kryebashkiak i Tiranës, shpërfilli kërkesën për të shkuar në një raportim në Kuvend, lidhur me shembjet e banesave në lagjen e 5 Majit në Tiranë.
Veliaj ka nisur sqarimin e tij me shkresë për çështjen në fjalë. Ndërsa deputetët e PD kërkuan që duhet të ishte fizikisht në mbledhje pasi është thirrur në dëgjesë.
“Ne jemi Kuvendi i Shqipërisë, nëse do të duket ti kërkojmë dëgjesë është vetëm një palë, qytetarëve. Ne të tjerët këtu e kemi për detyrim. të vetmit që duhet t’ju kërkojmë ndjesë janë ata njerëz që sot janë pa çati. Është detyrim moral që të ruajmë faqen e Kuvendit. Ajo çfarë na mban të gjithëve si shtet është moraliteti politik. Ç’është ky kryetar bashkie që nuk begeniska njerëzit po e po, as Kuvendin, po as juve që jeni maxhorancë. Edhe në letrën që ju lexuat nuk ka një justifikim. Të na e thotë dhe ne do e presim këtu. Të japë sqarimet”, u shpreh Enkelejd Alibeaj.
Por socialisti Toni Gogu zgjodhi ta ironizojë kolegun e tij të opozitës me faktin se ai krahas detyrave të shumta që ka marrë në PD, siç duket kërkon edhe të jetë këshilltar bashkiak.
“Kryetari i grupit parlamentar të PD, drejtuesi politik i Fierit, Vlorës, Shkodrës dhe gjithë Ultësirës Perëndimore do të marrë edhe detyrën e anëtarit të këshillit, ka dëshirë ta marrë ka një zgjedhje të japë dorëheqjen nga anëtari i Kuvendit ku bëhen ligje dhe të shkojë të garojë për anëtar të këshillit bashkiak. Nuk ia zgjidhim ne hallin. Nëse do ta dëgjojë kryebashkiakun live, të marrë detyrën e anëtarit të këshillit bashkiak. Po kjo ndodh në 2023”, tha Gogu.
Pjesë nga debati:
Dhurata Çupi: Nëse nuk ka pasur kohë kryetari i bashkisë unë mendoj ta presim. Ne e shtyjmë. Të mos harrojmë që nuk është një çështje e lehtë. Këta banorë në mes të dimrit janë nxjerrë jashtë. Nuk u është dhënë asnjë mundësi strehimi. Është abuzim me detyrën që kryetari i bashkisë nuk është sot këtu. Nëse nuk ka kohë ne e shtyjmë dhe e presim.
Klotilda Bushka: Kryetari i bashkisë i është përgjigjur këtij detyrimi ka sjellë një sqarim me shkrim. Kemi një informacion, shkresë të paraqitur. Në fund kemi për të dëgjuar edhe të tjerë të ftuar. Kjo dëgjesë do të vijojë të realizohet sepse kryetari i bashkisë i ka përmbushur, duke paraqitur këtë shkresë.
Enkelejd Alibeaj: Ne jemi Kuvendi i Shqipërisë, nëse do të duket ti kërkojmë dëgjesë është vetëm një palë, qytetarëve. Ne të tjerët këtu e kemi për detyrim. të vetmit që duhet t’ju kërkojmë ndjesë janë ata njerëz që sot janë pa çati. Është detyrim moral që të ruajmë faqen e Kuvendit. Ajo çfarë na mban të gjithëve si shtet është moraliteti politik. Ç’është ky kryetar bashkie që nuk begeniska njerëzit po e po, as Kuvendin, po as juve që jeni maxhorancë. Edhe në letrën që ju lexuat nuk ka një justifikim. Të na e thotë dhe ne do e presim këtu. Të japë sqarimet. Së paku do të duhet ta dëgjojmë dhe dëgjesa nuk është me këtë shkresë. Do të duhet të përballet. Një funksionar publik duhet të përballet me njerëzit. Janë në hall, janë pa ashtëpi, ia ka shkaktuar shteti. Ta sqarojë. Pse nuk vjen? Ka frikë. Ky ka frikë që tregoi se është i gjithë prej hekuri. Duhet të vijë të ruajë fytyrën. Shumë mirë kanë ardhur këta të policisë. E kanë bërë detyrën, kanë ardhur. Por duhet të vijë ai, është strumbullari i gjithçkaje.
Gogu: Kryetari i grupit parlamentar të PD, drejtuesi politik i Fierit, Vlorës, Shkodrës dhe gjithë Ultësirës Perëndimore do të marrë edhe detyrën e anëtarit të këshillit, ka dëshirë ta marrë ka një zgjedhje të japë dorëheqjen nga anëtari i Kuvendit ku bëhen ligje dhe të shkojë të garojë për anëtar të këshillit bashkiak. Nuk ia zgjidhim ne hallin. Nëse do ta dëgjojë kryebashkiakun live, të marrë detyrën e anëtarit të këshillit bashkiak. Po kjo ndodh në 2023.
