Erion Veliaj, Kryebashkiak i Tiranës, ka shkaktuar reagime të forta në ditët e fundit, ku ai duket se ka humbur totalisht kontrollin dhe me një fjalor jo vetëm ordiner, por duke shfaqur edhe shenja raciste, fyen ata që siç duket nuk i ka nën kontroll, apo nuk i binden.
Veliaj është përfshirë në përplasjen me FSHF duke tentuar të jetë pjesë e kapjes së Federatës, por që dështoi me sukses në mbledhjen e asamblesë së Tiranës, ku emri i përzgjedhur nga Veliaj dhe që u mbështet fort, mori vetëm 2 vota, kundrejt 44 të tjerave që shkuan në favor të Krenar Alimehmetit.
Dhe duket se inatin me humbjen që pësoi ai dhe kandidati që mbështeste, Veliaj duke përdorur fyerje kundër konviktorëve që ai i ka diferencuar nga qytetarët e tjerë të Tiranës.
Gjuha e Veliajt ka sjellë reagime, ndërsa Tirana është mbuluar nga slogane, të cilat mbajnë firmën e “Lëvizjes për Universitetin”.
“Prandaj dallon konviktori nga qytetari. Nëse qyteti për ty është vendi ku fle, ha dhe kryen nevojat personale atëherë ti je një konviktor, ti je thjesht banor, por qytetar bëhesh kur reagon dhe bëhesh aktivist”, tha Veliaj, deklaratë kjo që është pasuar nga reagimet e shumta.
“Vrasës, Hajdut racist”, “Tiranën nuk e prishën katunarët, por Erion veliaj me oligarkët”, “Punojnë konviktorët me djersë dhe me nder, që Erion veliaj të kthehet në miliarder”, janë disa nga sloganet që kanë mbushur muret e Tiranës.
Lëvizja për Universitetin shpeshherë ka krijuar përplasjen me Erion Veliajn dhe të tjerë zyrtarë të së majtës, ndërsa nuk dihet nëse aksioni i tyre do të mjaftohet vetëm me sloganet që kanë mbushur Tiranën.
