Në Spanjë e konsiderojnë një blerje të madhe për Mallorcan dhe kanë pritshmëri të mëdha. Po flasim për Vedat Muriqin, të cilin mund ta quajmë si lojtarin më të ri të Mallorcas e cila mbylli marrëveshjen me Lazion për afrimin e sulmuesit në formë huazimi me të drejtë blerjeje.
27-vjeçari dardan përforcon Mallorcan dhe i jep një opsion më shumë për sulmin por nuk do ta ketë të lehtë pasi ekipi ka aktualisht 4 sulmues të tjerë, Abdón, Ángel Rodríguez, Fer Niño dhe Hoppe, ndoshta asnjëri prej tyre me karaktersitikat e Muriqit.
Mediat spanjolle vlerësojnë aftësitë shënuese të sulmuesit Kosovar duke krahasuar shifrat në Turqi, 76 gola në 210 ndeshje në këtë kampionat dhe 17 të tillë në 36 ndeshje me Fenerbahçen.
Gjithsesi te Lazio ai pati vështirësi të mëdha me vetë 2 gola në 43 ndeshje që kur ai u transferua në 2020. Ishte një bast i Igli Tares por në fakt edhe për çështje besimi ndaj tij, nuk pati mundësi ta tregonte. Shpresojmë që te Mallorca, sulmuesi dardan të rigjejë buzëqeshjen dhe golat e munguar.
