Personi që gjeti një kokë njeriu pa trup, në fshatin Roms të Vlorës mëngjesin e sotëm, ka rrëfyer momentin e kobshëm.
Duke folur për “News 24”, dëshmitari i cili është bari i zonës tha se ishte duke kaluar në rrugë, kur ka gjetur kokën e njeriut sipër tokës.
“Po kaloja në Karabunarë kur pashë sipër dheut një kokë njeriu. Nuk di gjë se kush mund të jetë, pasi sapo pashë kokën njoftova policinë dhe nuk e preka me dorë” tha ai.
Sipas tij zona kryesisht përdoret për kullota dhe nuk është shumë e banuar nga njerëzit.
Dyshohet se koka i përket një personi, i cili është vrare para tre muajsh. Në kafkë ka një vrimë, që mund të jetë shkaktuar nga një armë zjarri. Ka dyshime nëse viktima korrespondon me një person të zhdukur rreth 3 muaj më parë, kur familja ka bërë denoncimin në polici për zhdukjen e të afërmit të tyre.
