Kreu i FSHF-së, Armand Duka, në një prononcim për “Ora News” pas arrestimit të 34-vjeçarit Hasanaj si autor i dyshuar për vendosjen e tritolit në banesën e tij ka mohuar çdo lojl konflikti më të riun.
Në media, mbrëmjen e të martës, kur u njoftua ndalimi i 34-vjeçarit, u aludua se ai ka pasur një konflikt me firmën e Dukës.
Por ky i fundit e konsideroi qesharake, duke shtuar se nuk ka pasur asnjë lloj konflikti.
Arlen Hasanaj akuzohet për veprat penale “Shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”.
Për identifikimin e ndihmuan kamerat e siguriësë dhe lëvizjet e të riut. Deri tani, i arrestuari nuk ka pranuar autorësinë e krimit.
Policia e arrestoi pasi u kthye nga Tirana dhe po shkonte në banesë. Gjatë shoqërimit, ai nuk ka bërë rezistencë.
34-vjeçari nuk ka qenë i skeduar asnjëherë nga policia.
