Dritan Çaka, anëtar i Komisionit Rregullator pranë KQZ-së, ka qenë i ftuar këtë të hënë në studion e Fax News, për të folur për zgjedhjet e pjesshme dhe pjesmarrjen e kandidatëve të Komisionit të Rithemelimit.
Sipas Dritan Çakës, Berisha mund të regjistrojë kandidatët për zgjedhjet e pjesshme vendore të 6 marsit në formën e kandidatëve të pavarur ose në formën e Komitetit Nismëtar, për të cilin shpjegoi dhe procedurat si funksionon.
“Kuptohet që kodi zgjedhor ja njeh mundësinë për të garuar jo vetëm partive politike por dhe kandidatët e pavarur. Para dy ditësh miratuam një akt, ku normuam afatet kur partitë politike por dhe komitetet nismëtare kanë të drejtën për t’u regjistruar. Mendoj se këtë formë do të ndjeke Sali Berisha për të regjistruar kandidatët e tij, pra Komitetët nismëtare. Do ngrihet një Komitet Nismëtar, që do të jetë minimalisht me 9 persona, të gjithë votues të zonës që do të mbledhin dhe firmat dhe për një periudhë 4 ditore do të mbledhin firmat për të nxjerrë një kandidat në zgjedhje”, tha Çaka.
Ai nuk përjashtoi mundësinë që Berisha të regjistrohet dhe në formën e koalicioneve, por përjashtoi mundësinë që të regjistrohet si subjekt juridik me emrin “Komisioni i Rithemelimit”.
Flet Dritan Çaka
Ashtu siç kemi parë në këto ditë, mendojmë se do ketë disa kandidatë. Ata mund të propozohen nga forca të ndryshme politike siç është PS, PD, por dhe kandidatë të tjerë nga Komiteti i Rithemelimit mund të jenë pjesë e këtyre zgjedhjeve. Si jurist mund të them se ky Komitet nga pikëpamja juridike nuk është formuar dhe nuk ka fuqi juridike. Kuptohet që kodi zgjedhor ja njeh mundësinë për të garuar jo vetëm partive politike por dhe kandidatët e pavarur. Para dy ditësh miratuam një akt, ku normuam afatet kur partitë politike por dhe komitetet nismëtare kanë të drejtën për t’u regjistruar. Mendoj se këtë formë do të ndjeke Sali Berisha për të regjistruar kandidatët e tij, pra Komitetët nismëtare. Do ngrihet një Komitet Nismëtar, që do të jetë minimalisht me 9 persona, të gjithë votues të zonës që do të mbledhin dhe firmat dhe për një periudhë 4 ditore do të mbledhin firmat për të nxjerrë një kandidat në zgjedhje. Ligji njeh dhe mundësinë e koalicioneve. Berisha mund të bëjë koalicion me partitë e tjera. Kemi dëgjuar se mund të bëjë koalicione me LSI, apo zoti Duka që ka thënë po shqyrtojmë mundësinë e koalicioneve. Nga pikëpamja ligjore egzistojnë disa mundësi për të kandiduar, por si Komiteti i Rithemelimit, si person juridik nuk mundet të egzistojë i tillë dhe nuk mund të ketë sigël të tillë.
