“Partia Socialiste do të angazhohet plotësisht në zgjedhjet lokale në 6 bashki të vendit”, u shpreh Kryeministri Edi Rama gjatë mbledhjes së Grupit Parlamentar të PS, nga ku u shpreh se në fushatë do të angazhohet deputetët e zonave dhe drejtuesit politik.
Kryeministri Rama ka dhënë edhe një mesazh për socialistët, duke thënë se duhet të fokusohen tek problematikat që kanë qytetet dhe jo tek politika.
Duke u ndalur tek opozita, Rama tha se alternativa e tyre është e ndarë për halle personale mes Bashës, Berishës dhe Ilir Metës.
“E mban Presidencën peng. Do e përmbushim me seriozitet garën. Në 6 njësi vendore të zgjidhen kandidat të PS. Për fushatën përkatëse do organizohemi sa më mirë por pa lënë pas dore angazhimet e tjera. Duke mos e humbur fokusin nga Këshillimi Kombëtar. Forcat në këto bashki do jenë vendore, deputetët dhe drejtuesit politik. Duhet të jenë mesazhe të lidhura me hallet në këto bashki. Sa më pak politikë në këto zgjedhje aq më mirë se politikisht panorama e këtyre zgjedhjeve është e qartë për të gjithë. Ne kemi ofertë dhe në anën tjetër kundërshtarët. Në 6 sheshe për 12 përsheshe. Ato luftojnë për mbijetesën politike të dy udhëheqësve këtu në Tiranë që s’kanë lidhje me ato qytetet.
Të gjithë kundër të gjithëve. Hipur mbi shpinën e anëtarësive. Dy parti të PD. Njëri grata tjetri non grata dhe i treti të dyja bashkë. Tre popuj i 11 dhjetorit, 18 dhjetorit dhe i 2 marsit. Që merr jetë nga sherret mes të parit dhe të dytit.” tha Rama.
