Një familje shqiptare edhe pse integruar mjaft mirë në Gjermani, ka marrë urdhër se do të kthehet në vendlindje, shkruan ‘waz.de’.
Kjo është familja Bala nga Tirana. Kjo familje kishte arsye pse ishte larguar nga Shqipëria. Tani dy vjet pas, ata do të depërtohen. Shqipëria konsiderohet si vend i origjinës si sigurt dhe ata do të rikthehen në vendlindje, përcjell albinfo.ch.
Tashmë ‘lufta’ e tyre është beteja ligjore, ku ka pak gjasa. I biri Ertjan Bala vështirë se mund të realizojë ëndrrën e tij si balerin.
19-vjeçari që kur ishte shtatë vjet kishte filluar të merret me balet, por në Shqipëri, nuk kishte perspektivë, ashtu si edhe nëna e tij gjeologe dhe në kërkim të një ardhme më të mirë vendosën të shkojnë në Gjermani.
Familja shqiptare është që nga shtator i vitit 2015 në Gjermani. Ertjan Bala është pjesë e Shkollës së Baletit në Bohum ‘Dance’n Fun’. Mësuesi i baletit i dërgoi valltarët në Dortmund, duke bërë trajnime së bashku me profesionistët, pjesë e të cilit ishte edhe shqiptari.
Ai shihet me të ardhme të ndritur, por duhet të kthehet nga Gjermania më 27 janar. Ai duhet të lë studimet. Megjithatë, ai i ka falënderuar miqtë e tij gjermanë dhe mësuesin e baletit pa marrë parasysh se çfarë ndodh.
Situatë e vështirë është edhe për motrën e tij, Enxhi Bala. Ajo flet bukur gjuhën gjermane. “Edhe pse pak si gjuhë e vështirë për të huajt ju e mësoni kur flisni me miqtë. Nëse kthehem jeta ime do të ishte si më herët”, ka thënë ajo. Enxhi është integruar mjaft mirë, kurse sistemi arsimor në Shqipëri nuk është i mirë. Madje, ata kanë treguar se mësuesit ushtrojnë dhunë dhe duhet te rrinë me një këmbë. Enxhi ushtron me violinë dhe përkundër se ka talent, duhet të kthehet në Shqipëri.
