Milani nuk mban dot ritmin e Interit. Kuqezintë luajtën sonte duelin ndaj Juventusit në “San Siro” ku nuk arritën të fitonin e për më tepër humbën edhe një lojtar të rëndësishëm si Zlatan Ibrahimoviç.
Skuadra e Piolit ishte më insistuese në pjesen e parë por duket se dalja e Ibrahimoviç në 28’ për shkak dëmtimi ndikoi disi edhe moralisht te ekipi.
Pjesa e dytë ishte më tepër fizike dhe pa raste të pastra ku të dyja ekipet ruheshin për të mos bërë gabime edhe pse iniciativën më shumë e merrte ekipi vendas.
Rebiç ishte lojtari më i rrezikshëm për Milanin në pjesën e dytë por nuk e gjeti dot portën ashtu si Kean që tentoi në disa raste.
Gjithsesi në një duel që nuk kishte emocione të mëdha, rezultati 0-0 është mëse i drejtë por Milani tashmë barazohet nga Napoli në vendin e dytë.
