Në zonat e thella të qarkut te Dibrës, temperaturat shënojnë -16°c .
Njësia Lurë është e bllokuar, nuk lëvizet drejt Peshkopisë por vetëm nga Rrësheni, pasi lartësia e borës vjen nga 30 deri në 50 cm. Po kështu ka probleme edhe në njësinë Sllovë e Zall-Reç, të cilat janë të bllokuara nga prezenca e akullit dhe bora.
Probleme ka dhe njësia Kalaja e Dodës, disa fshatra të izoluara, probleme ka edhe në zonen e Gollobordës si Trebishti dhe Ostreni. Ndërsa rruga nacionale nga Peshkopia drejt Tiranës lëvizet pa problem.
Ndërkohë, Kukës-Peshkopi lëvizet vetëm me zinxhir.
Ura e Çerenecit-Librazhd lëvizet me zinxhir.
Rruga e Arbërit është e kalushme. Përsa i përket mungesës së energjisë elektrike njësia Lur, Zall-Reç, Sllov, mungon energjia elektrike prej 24 orësh. Një pjesë e qytetit të Peshkopis ka mungesë të ujit të pijshëm nga ngrica.
