Lulzim Basha duket po zgjedh të mbajë pranë vetes të “fortë” që ti ‘vënë hurin’ atyre që nuk e duan në krye të Partisë Demokratike.
Një prej episodeve më të komentuara të përdorimit të individëve të tillë është ai i ndodhur ditën e protestës së zhvilluar në Partinë Demokratike, më 8 Janar. Nga ballkoni i zyrë së Bashës dolën persona të maskuar, të armatosur me pajisje gazhedhëse e shkopinj bejsbolli dhe goditën e dhunuan protestuesit.
Episodi i fundit është ai i dhunimit të një qytetari vetëm se brohoriti “Basha ik”.
Pamjet u publikuar në rrjetet sociale një ditë më parë. Gjatë një takimi të Lulzim Bashës, një qytetar shpreh zhgënjimin duke thirrur “Basha ik”. Në këto momente, nga persona që shoqëronin Lulzim Bashën, qytetari që guxoi të shprehë mendimin e tij me zë të lartë goditet e dhunohet fizikisht. E gjithë skena në sytë e policisë.
Një denoncim pranë redaksisë zbuloi se një nga autorët e dhunës së ushtruar ndaj qytetarit është Ardian Piroli, person me precedentë penalë. Denoncohet se ai ka ardhur disa muaj më parë në Shqipëri nga Zvicra, ku ndodhej në burg. Po ashtu, denoncohet se ka qenë në burg edhe në Italinë fqinje.
