Situata e Covid-19 vijon të mbetet shqetësuese në Itali. Venezia konfirmoi mesditën e kësaj të Enjteje se nga testet e kryera së fundmi, rezultuan 14 persona pozitivë me koronavirus, çfarë ka sjellë dyshime nëse dueli përballë Interit, ditën e dielë, do të luhet apo jo.
Sipas protokollove nga Federata Italiane, një ndeshje mund të anulohet vetëm nëse në klub rezultojnë 9 ose më shumë lojtarë të infektuar.
Në një situatë të tillë, vetë institucioni pritet të marrë një vendim nëse dueli do të zhvillohet apo jo.
Në rast se sfida do të shtyhet në kalendar, për zikaltërit do të jetë takimi i dytë pas Bolonjës që shtyhet.
