Pas përjashtimit të Edmond Spahos nga Partia Demokratike me vendim të Lulzim Bashës, Ervin Salianji është caktuar drejtues politik në Korçë.
Kjo është bërë e ditur nga Gazment Bardhi, i cili thotë se Salianji do të jetë edhe Kryetar i Këshillit Koordinues të Qarkut.
“Pas vendimit të Kryesisë së Partisë për përjashtimin nga Partia Demokraitke të ish-drejtuesit politik të qarkut Korçë, z. Edmond Spaho, ju njoftoj se: Në mbështetje të nenit 33 të Statutit të Partisë, sot Kryetari i Partisë ka caktuar si Drejtues Politik të qarkut Korçë, deputetin z. Ervin Salianji.
Në këtë mënyrë z. Salianji do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku”, shkruan Bardhi.
Vendimet e Bashës dhe Bardhit konsideron nul nga Komisioni i Rithemelimit të PD, bazuar në vendimet e miratuara nga Kuvendi Kombëtar i PD më 11 dhjetor, i cili shkarkoi Bashën nga funksioni i Kreut të demokratëve dhe Bardhin nga pozicioni i Sekretarit të Përgjithshëm të kësaj partie.
