Forca të shumta policie rrethuan mëngjesin e sotëm zonën e ‘5 Majit’ në Tiranë, atje ku IKMT pritet të nisë shembjen e disa banesave, për ti hapur rrugën një projekti që kundërshtohet nga banorët.
Video e mëposhtme tregon momentet se si policia shoqëron banorët që kundërshtojnë projektin, ndërsa çështja është në Gjykatë dhe pritet një vendim.
Me dhjetëra policë janë angazhuar kundër banorëve, ndërsa mjetet e rënda të IKMT pritet të nisin aksionin.
Ndërkohë banorët kanë bërë të ditur se nuk do të dalin nga shtëpitë e tyre, por policia ka ndërhyrë forcërisht, madje duke mos i lejuar të marrin as plaçkat.
Policia ka shoqëruar me forcë edhe disa banorë që kanë nisur të mblidhen për të kundërshtuar këtë aksion.
IMT-ja ka vendosur shembjen e dhjetëra shtëpive në zonën e 5 Majit pa arritur në një marrëveshje me banorët.
