Vasil Shkurtaj është dëshirë e Kukësit për një rikthim me ngjyrat Blu në Superligë. Verilindorët kanë shprehur interes për nënshkrimin me sulmuesin 29 vjeçar, që është pjesë prej dy vitesh e futbollit kinez me JX Beidamen.
Veprimi i fundit i sulmuesit në rrjetet sociale qartëson situatën, teksa pas shtatë javësh mungesë postimesh, Shkurtaj ka hedhur foto me fanellën e klubit kinez, duke falenderuar klubin për kohën e kaluar.
E ardhmja e Shkurtaj pritet të qartësohet në ditët në vijim, teksa më herët sulmuesi ishte dëshirë e Partizanit, që u stepën nga kushtet dhe paga e tij e lartë. Duket se Kukësi është në “pole” për të rikthyer sulmuesin.
