Bashkëpunimit Real Madrid-Eden Hazard po i vjen fundi. Sulmuesi belg nuk është aspak i lumtur tek gjigandët spanjoll, shkak janë bërë minutat e pakta që ka në dispozicion.
Carlo Ancelotti nuk e ka të preferuar për skemat e tij belgun dhe kjo e ka shtyrë lojtarin të mendojë largimin, teksa në drejtim të tij kanë shfaqur interes disa skuadra.
“El Nacional” bën me dije se sheikët e Newscastle i kanë afruar 31-vjeçarit 40 milion euro.
“Los Blancos” kërkojnë të paktën 50 milion euro për lojtarin e tyre, teksa kujtojmë se madrilenët kanë shpenzuar 115 milionë euro kur e blenë nga Chelsea dhe kurrsesi nuk do donin të humbisnin në këtë transferim.
Mbetet të shihet në vazhdim se çfarë do të ndodhë me të ardhmen e Eden Hazard.
