Një autobus me 29 pasagjerë nga Kosova, 6 prej të cilëve fëmijë, është aksidentuar në Bullgari. Nuk raportohet për të plagosur rëndë.
Ngjarja ka ndodhur mëngjesin e sotëm në qytetin e Kyustendilit, raporton portali “Struma”.
Raportohet se aksidenti ka ndodhur rreth orës 04:30, kur autobusi me pasagjerë nga Kosova ka goditur një kamion të ndaluar që transportonte dru.
Drejtuesi i kamionit raportohet se po përpiqej t’u tregonte të tjerëve në trafik se një pemë kishte rënë në rrugë. Autobusi e goditi kamionin dhe ai doli nga rruga.
Shoferi i autobusit ka pësuar lëndime të lehta dhe është dërguar në Qendrën Mjekësore Qendrore në Kyustendil, ashtu si dhe pasagjerët.
