Eden Hazard është rikthyer në një “çështje” te skuadra e Real Madrid. Sulmuesi belg nuk është në planet e trajnerit Carlo Ancelotti, i cili këtë sezon e ka aktivizuar shumë pak, duke bërë që shumë zëra të flasin për një largim të Hazard nga “Los Blancos”.
Kapiteni i Belgjikës, Eden Hazard, është akoma dhe më pranë largimit nga Real Madrid. Sipas mediave belge, 30-vjeçari i ka ditët e numëruara në kryeqytetin spanjoll.
Pas fitimit të Superkupës ndaj Atletik Bilbaos, Hazard nuk u pa shumë i lumtur gjatë festimeve të skuadrës së tij. Ançelotti nuk i dha asnjë minutë lojë belgut gjatë sfidave me Barcelonën në gjysmë-finale dhe Bilbaon në finale.
Situata po bëhet shumë serioze për sulmuesin, i cili rrezikon pjesëmarrjen në botërorin “Katar 2022”. Gjatë periudhës së tij në Madrid, Hazard nuk ka shkëlqyer ashtu siç pritej pas largimit të tij nga Chelsea.
