Dy pamje krejt të kundërta janë ato që po ndodhin në Fier dhe Shkodër, atje ku pritet të nisin takimet e Lulzim Bashës dhe ish-Kryeministrit Sali Berisha.
E ndërsa në Fier janë me dhjetra demokratë që përballë Teatrit Bylis po protestojnë kundër Lulzim Bashës, në Shkodër disa qindra anëtarë të PD janë mbledhur në Pallatin e Sportit, në pritje të takimit me ish-Kryeministrin Sali Berisha.
Nga Fieri, demokratët mbajnë në duar pankarta kundër Bashës, të cilit i kujtohet se është një Kryetar i shkarkuar, ndërsa cilësohet si person “non grata”.
Ndërkohë në Shkodër duket një panoramë entuziaste, ndërsa pothuajse e gjithë hapësira e Pallatit të Sportit është mbushur me anëtarë dhe simpatizantë të PD.
