Ambasada e Shqipërisë në Izrael njoftoi sot rregullat e reja të hyrjes në Izrael.
“Duke filluar nga data 9 Janar 2022, shtetasit e huaj të cilët janë të vaksinuar plotësisht me vaksina të aprovuara nga Organizata Botërore e Shëndetësisë, ose të shëruar, të pajisur me certifikatë vaksinimi ose shërimi digjitale, të vlefshme për 180 ditë, lejohen të udhëtojnë në Izrael, përsa kohë i përmbahen rregullores së publikuar në Ministrinë e Shëndetësisë së Izraelit: https://corona.health.gov.il/…/air-travel-covid19…/…”, thuhet në njoftimin e Ambasadës.
Ambasada thekson se, pasagjerët që duan të udhëtojnë në Izrael nga vende të klasifikuara si “të verdha” ose “portokalli” (ku përfshihet Shqipëria), përfshirë zyrtarë mbajtës së pasaportave zyrtare apo diplomatë të akredituar si dhe punonjës së OKB, duhet të prezantojnë një test negativ PCR brenda 72 orëve përpara fluturimit, ose, test negativ antigen brenda 24 orëve para fluturimit, të kryera në një laborator zyrtar në vendin e origjinës ku shënohet emri i plotë dhe numri i pasaportës.
Të prezantojnë leje të marrë online përpara nisjes, pasi të kenë plotësuar formularin në linkun https://corona.health.gov.il/en/flights/
Të gjithë pasagjerët të cilët duhet të udhëtojnë në Izrael nga vende të klasifikuara nga Ministria e Shëndetësisë Izrael si “të kuqe”, ose kanë qëndruar më shumë se 12 orë në një vend “të kuq”, 14 ditëve përpara mbërritjes në Izrael, duhet të aplikojnë për një Leje përjashtuese duke e dorëzuar kërkesën e tyre në link-un: https://govforms.gov.il/…/knisalisrael%40mofa.gov.il…
Kjo leje, nëse u jepet, duhet të prezantohet së bashku me një test negativ PCR brenda 72 orëve ose antigen brenda 24 orëve para fluturimit.
Të gjithë pasagjerët që hyjnë në territorin e Izraelit kanë detyrimin të ndjekin direktivën e Ministrisë së Shëndetësisë përfshirë detyrimin për të kryer një test PCR sapo të mbërrijnë në Aeroportin Ben Gurion. Po ashtu, dhe detyrimin për karantinë në shtëpi.
Të gjitha detyrimet mund të gjenden në link-un: https://corona.health.gov.il/…/air-travel-covid19…/…
Pasagjerët që nuk plotësojnë kushtet më sipër dhe u është mohuar hyrja në Izrael pasi kanë kryer aplikimin nëpërmjet link-ut të Ministrisë së Shëndetësisë, mund të riaplikojnë për Exceptional Online Form në linkun: https://govforms.gov.il/mw/forms/[email protected]…
