Kryesia e Partisë Demokratike po zhvillon një mbledhje pasditen e sotme.
Mbledhja e thirrur nga kreu i PD-së Lulzim Basha nisi në orën 18:30.
Mësohet se në rendin e ditës janë ngjarjet e protestës së datës 8 janar, ku “dy polet” e demokratëve u përplasen në selinë e PD-së, ndërsa ndërhyri Policia e Shtetit për të larguar protestuesit e thirrur nga ish-kryeministri Berisha.
Pritet të shikohet nëse gjatë mbledhjes do të ketë ndonjë vendim për deputetët e PD-së që mbështesin Sali Berishën, por edhe ish-funksionarët e tjerë në PD, për të cilët është marrë vendim më parë që të mos kenë asnjë funksion në parti, pas pjesëmarrjes së tyre në Kuvendin e 11 dhjetorit të thirrur nga Sali Berisha.
