Banorët e Follorinës në Greqi kaluan një natë të vështirë pas tërmetit me magnitudë 5.4 i shkallës Rihter që goditi para mesnate me epiqendër vetëm 3 kilometra në perëndim të Follorinës. Deri më tani ka vetëm dëme materiale dhe sipas autoriteteve lokale nuk raportohet për të lënduar nga tërmeti apo dëme të parikuperueshme në banesa.
Sipas Institutit Gjeodinamik të Observatorit Kombëtar të Athinës, thellësia fokale ishte 14.3 km.
Sipas kryetarit të Bashkisë së Follorinës, zotit Vassilis Giannakis, deri në mëngjesin e së hënës janë shënuar dëme të rënda në ballkonet e tre banesave.
Επίσης, η δόνηση έγινε αισθητή σε περιοχές περιφερειακά της Φλώρινας, όπως Κοζάνη, Πτολεμαΐδα, Καστοριά, Πέλλα, ακόμα και στη Θεσσαλονίκη, στην Κατερίνη, στη Βέροι
Drejtori i Institutit Gjeodinamik, Akis Tselentis tha: “Kemi pasur të paktën 35 pasgoditje, që është një gjë e mirë, pasi duket se 5.4 Rihteri ka qenë kryesori”.
Profesori Efthymios Lekkas, u shfaq i kujdesshëm.
“Po shkon shkëlqyeshëm. Do të presim të shohim se si do të zhvillohet edhe për një ose dy 24 orë të tjera”, tha Lekkas. Zona nuk ka pasur tërmete të mëdha në të kaluarën, siç shtoi Lekkas, i cili sqaroi se tërmeti ka ardhur nga një çarje në periferi të fushës së Follorinës.
Banorët e Follorinës dolën me nxitim në rrugë, pasi dridhja zgjati disa sekonda dhe ishte shumë intensive.
Gjithashtu, lëkundjet janë ndjerë edhe në zonat periferike të Follorinës, si në Kozani, Ptolemaida, Kastoria, Pella, madje edhe në Selanik, Katerini, Veria, por edhe në Trikala e Larisa.
Lëkundjet u ndjenë dhe në disa qytete të Shqipërisë si dhe Maqedonisë së Veriut.
Banorët e Follorinës raportohet se e kaluan natën në sheshe, ndërsa disa kanë lëvizur mjetet e tyre në ambiente të hapura edhe jashtë qytetit, për të kaluar natën aty.
Shërbimi Zjarrfikës i Follorinës menjëherë pas tërmetit është vënë në gatishmëri.
Policia ka bllokuar një pikë qendrore të qytetit të Follorinës pasi suvaja ka rënë nga godina tradicionale “International”.
