Xhuliana Topalli, 40-vjeç mbeti viktimë mbrëmjen e sotme në fshatin Nenshat në Vaun e Dejës pasi u qëllua me kallashnikov nga ish-burri i saj.
Mësohet se 50-vjeçari Nikolin Hila e ka qëlluar në hyrje të banesës ku gruaja banonte me babain e saj dhe vajzën 4-vjeçare.
Pasi ka shtënë ndaj gruas, Hila ka qëlluar dhe veten duke mbetur i plagosur. Ky i fundit është dërguar në spitalin e Shkodrës dhe ndodhet nën kujdesin e mjekëve.
Dyshohet se konflikti ka ardhur pas ndarjes së tyre rreth 1 vit më parë. Ajo ka mbetur e vdekur në prani të babait dhe vajzës së saj 4-vjeçare.
Paraprakisht dyshohet se krimi ka ndodhur pas përplasjeve për kujdestarinë e vajzës së mitur.
Policia dhe grupi hetimor ndodhen në vendin e ngjarjes po bëjnë mbledhjen e provave për të bërë të mundur zbardhjen e vrasjes.
