Policia ka dhënë detaje në lidhje me dy personat që mbërritën të plagosur në spitalin e Traumës në Tiranë.
Sipas policisë personat që u plagosën janë Klodi Stafuka dhe Gentjan Bejtja nga Fushë Kruja.
Zyrtarisht policia njofton se Bejtja është qëlluar teksa ka qenë duke drejtuar mjetin e tij, i cili ka dalë nga rruga, ku më pas ka marrë lëndime edhe Stafuka, i cili ka qenë pasagjer në makinë.
Burime bëjnë me dije se Bejtja., rreth 41 vjeç në rrethana ende të paqarta dyshohet se është plagosur me armë zjarri në krah, gjatë kohës që po drejtonte automjetin dhe ndodhet jashtë rrezikut për jetën.
Stafuka, rreth 31 vjeç, është lënduar në aksident rrugor në Nikël, afër një karburanti, pasi mjeti që drejtonte shtetasi Bejtja, ka dalë nga rruga.
Menjëherë shërbimet e Policisë dhe grupi hetimor kanë shkuar në vendngjarje dhe vijon puna për sqarimin e rrethanave të ngjarjes, identifikimin dhe kapjen e autorit.
