Një ngjarje e rëndë ndodhi mbrëmjen e sotme në fshatin nenshat të Vaut të Dejës, ku një burrë 50-vjeçar vrau bashkëjetuesen e tij 40-vjeçe.
Burime nga policia bëjnë me dije se 50-vjeçari Niko Hila vrau me armë zjarri ish-gruan, Gjyle Topalli, 40 vjeçe.
Pasi ka vrarë ish-bashkëjetuesen, 50-vjeçari ka tentuar të vrasë edhe veten, por ka mbetur i plagosur. Autori ndodhet në spitalin e Shkodrës nën kujdesin e mjekëve.
Mësohet se çifti ishte divorcuar prej disa kohësh, ndërsa motivet e kësaj ngjarje të rëndë ende nuk dihen.
Ende nuk dihen shkaqet e këtij krimi të rëndë, ndërsa grupi hetimor ka nisur punën për zbardhjen e plotë.
Vau i Dejës/ Informacion paraprak
Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish bashkëjetuesen e tij, shtetasen Gj. T., 40 vjeçe.
Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër.
Grupi hetimor po vijon punën për sqarimin e rrethanave dhe zbardhjen e ngjarjes.
