Demokratët janë thirrur në një protestë nesër te selia e PD-së, për të zbatuar vendimin e Kuvendit Kombëtar të 11 dhjetorit dhe referendumit të 18 dhjetorit.
Protesta është thirrur nga Komisioni i Rithemelimit, i cili i kishte vendosur një afat Lulzim Bashës, deri me 5 janar, për të dorëzuar selinë, pasi ishte shkarkuar si kryetar i PD.
Por me skadimin e afatit për dorëzimin e zyrës, Basha vendosi të blindojë selinë, duke ndërhyrë në strukturë dhe duke vendosur dyer të blinduara.
Ndonëse protesta zhvillohet në oborrin e PD, sot ka nisur edhe blindimi i godinës së Kryeministrisë.
Derës kryesore të Kryeministrisë i është vendosur veshje metalike, mbrëmjen e sotme.E njëjta gjë ka ndodhur edhe me dritaret.
Nuk dihet sepse Rama ka ndërmarrë një veprim të tillë, pasi edhe protesta e fundit e zhvilluar para Kryeministrisë ishte paqësore.
