Një aksident me dy të plagosur ka ndodhur këtë të Enjte në aksin rrugor Mamurras-Fushë Krujë.
Policia njoftoi se rreth orës 12:55, një automjet me drejtues shtetasin A.N. është përplasur me automjetin me drejtues shtetasin E.D. dhe si pasojë e përplasjes të dy drejtuesit ndodhen nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
