Një shkrim i bërë në Twitter nga ambasadori i Serbisë në SHBA, Gjuriç, ka tërhequr vëmendjen e të gjithëve.
Në këtë koment ai e quan Dua Lipa-n bashkëkombase të tij. Një koment ky, i cilësuar si provokim nga ana e Gjuriç, ka marrë shumë reagime nga të afërm dhe mbështetës të këngëtares, të cilët shprehen se: ‘jemi krenarë që është shqiptare’.
“Duke lënë komentet e urrejtjes anash, jam shumë krenar për bashkëkombësen tonë të dashur Dua Lipa edhe pse ajo mund të mendojë ndryshe për çështjet politike”, shkruan Gjuriç gjatë një replike me ish-ambasadoren e Kosovës në Shtetet e Bashkuara të Amerikës, Vlora Çitaku.
