Një ngjarje e rëndë ndodhi natën e ndërrimit të viteve në Shtetet e Bashkuara të Amerikës ku shqiptari Emiljano Domi qëlloi me thikë në shpinë nënën e tij. Në rrëfimin e tij për policinë amerikane 25 vjeçari shqiptar thekson se ai donte ta vriste nënën e tij dhe në fakt kishte menduar se ajo kishte vdekur pasi ai e qëlloi me thikën e kuzhinës e më pas doli nga shtëpia.
Ai u ka treguar hetuesve amerikanë se ai e goditi nënën e tij pasi ajo kishte qeshur me të kur ai i ishte ankuar se pse ia kishte lëvizur xhaketën e tij nga dhoma e ndenjes. Pasi e kishte shtrirë përtokë Domi kishte marrë thikën e kuzhinës dhe ia kishte ngulur egërsisht thikën pas shpine.
Domi ka thënë se qëllimi i tij që “ta vriste atë”. Më pasi ai ishte larguar nga shtëpia duke menduar se e kishet lënë të vdekur. Por 43 vjeçarja arriti t’u mbijetojë plagëve pasi u mjekua edhe në spital. Ndërkaq, Domi kishte shkuar në një furrë buke në Garfield ku punon i ati i tij duke i kërkuar këtij të fundit para për benzinë. Kjo e bëri të atin të dyshonte duke i telefonuar më parë gruan e tij dhe më pas policinë, shkruajnë mediat amerikane.
Efektivët arritën ta arrestonin në kohën Domin. 25 vjeçari kishte punuar më parë si arkëtar ndërsa ka pasur një fëmijëri të shoqëruar me dhunë në familje. Nga deklaratat e bëra nga të dy prindërit, ata thoshin se Domi i kishte kërcënuar disa herë se ai do t’i vriste.
25 vjeçari shqiptar u transferua në Qendrën Mjekësore Bergen Neë Bridge, ku është lënë në paraburgim për t’u transferuar më pas në burgun Bergen, ku tashmë mbi të rëndojnë akuzat për tentativë vrasjeje, sulm të rëndë dhe përdorim të armëve të ftohta.
