Lajmet dhe zhvillimet më të mëdha nga futbolli po vijnë nga Anglia. Jo pa arsye sepse atje vijon të luhet dhe nuk është ndërprerë asnjëherë aktiviteti në Premier League e disa nivele të tjera teksa sot vjen një lajm shumë i mirë për tifozët e Chelseat.
Ndërsa Lukaku ka hapur probleme të mëdha me deklaratat e tij dhe së fundmi mund të bëhet një objejkt në merkato, sot morën lajmin për të ardhmen e Thiago Silvës.
Klubi londinez njoftoi se ka zgjatur kontratën me lojtarin ekspert të prapavijës deri në vitin 2023, pra edhe me një sezon tjetër.
37-vjeçari është një lojtar shumë i rëndësishëm për Tuchel dhe deri në këto momente të sezonit ka zhvilluar 22 ndeshje duke shënuar 2 gola.
Që kur erdhi në verën e 2020, Silva është bërë një lider te Chelsea dhe duke qenë se mbaronte kontrata në qershor, drejtuesit menjëherë u vunë në lëvizje për të shmangur bisedime të mundshme të brazilianite me klube të tjera.
