Mes shumë futbollistëve të cilëve u skadon kontrata është edhe Isco i Real Madrid, që në qershor 2022 do të mund të gjejë një ekip tjetër.
Me ardhjen e vitit të ri, gjashtë muaj para skadimit të angazhimit të tij në klubin mbretëror, 29-vjeçari nga Malaga është i lirë të nënshkruajë për çdo klub për sezonin e ardhshëm.
Sipas tabloidit britanik, “Mirror”, spanjoll mund të mos presë verën, duke lëvizur nga kryeqyteti spanjoll që në merkaton e janarit.
Do të jetë mundësia e fundit për Madridin që të fitojë para nga shitja e kartonit të tij. Madje Reali do të kursente edhe pagën që Isco do të përfitonte deri në përfundim të sezonit (7 milionë euro bruto).
Agjentët e tij janë duke punuar ta ofrojnë te Tottenhami i Antonio Contes në këtë merkato dimërore.
Vendimi do të varet nga rëndësia që mesfushori do të ketë në ndeshjet e radhës për shkak të mungesave të shumta se rezultat i infektimeve me Koronavirus.
