Mbrëmjen e sotme janë kapur 300 kilgramë drogë në një kompani fruta-perimesh në zonën e vaqarrit. Droga po sillej me kontenier nga porti i Durrësit.
Sasia e drogës e cila dyshohet se vinte nga Amerika latine përmes një kontenieri të mbushur me banane, nuk është kapur si zakonist në port, por ësht lënë nga ana e grupit operacional që të dalë nga porti për tu kapur në vendin për ku ishte adresuar.
Kontejneri ishte mbajtur në vëzhgim nga policia gjatë kohës kur ishte në port dhe u gjurmua derisa mbërriti në kompaninë në Vaqarr. Në këtë moment, kanë ndërhyrë forcat e policisë të cilat shoqëruan personat që po shkarkonin bananet, ku dyshohet se ishte fshehur droga.
Kontrollet e policisë vijojnë në banesat e të dyshuarve dhe në kontejnerët e tjerë të kësaj kompanie që vijojnë të jenë në port.
Kujtojmë që dy vitet e fundit porti i Durrësit si dhe kontenierët me banane kanë qënë ‘porta’ hyrëse e kokainës nga amerika latine për në Shqipëri, e cila më pas është dërguar në Europë.
Në dy raste janë gjetur sasi të mëdha drge në kontenierët në pronësi të kompanisë ‘Alba Fruit Exotic’.
