Një 27-vjeçare është arrestuar nga policia e Matit, pasi akuzohet se shfrytëzonte të motrën për prostitucion.
Në pranga u vu H.C., 27 vjeçe, banuese në Burrel. “Nga veprimet hetimore të kryera ka rezultuar se kjo shtetase në kohë të ndryshme (në bashkëpunim me shtetasin U.C., të arrestuar më parë nga Policia) ka shfrytëzuar motrën e saj të mitur për qëllime përfitimi”, njoftoi policia.
Të njëjtat burime shtuan se, gjykata e Matit ka vendosur masën e sigurisë ‘Arrest në burg’ për veprën penale “Marrdhënie seksuale ose homoseksuale me të mitur” ndaj 27-vjeçares, ndërsa materialet procedurale në ngarkim të shtetasve të lartëpërmendur i kaluan Prokurorisë Dibër dhe Mat për veprime të mëtejshme.
