Aktori Donald Veshaj ka ndarë në shtëpinë e “Big Brother VIP” një histori personale teksa po fliste për marrëdhënien me Ilirin, me të cilin ka pasur edhe shumë debate.
Ai ka thënë se kishte të hapur një proces gjyqësor me dajat e të atit. Sipas Donalidt, ata i kanë marrë disa prona në Radhimë, në jug të Shqipërisë, e ndaj me ta nuk flet.
“Pse nuk dua të flas unë me Ilirin? Mua më pëlqen të flas me Ilirin. Kur po flisnim atë ditë atje më morën tek “Dhoma e rrëfimit” e më thanë ‘Çne ti me Ilirin?’ I thashë ‘Po unë nuk i kam ndarë tokat me të në Rradhimë. Tokat në Rradhimë m’i kanë marrë dajat e babit, i kam ndarë me dajot e babit. I kam hedhur në gjyq. Me ata nuk flas…Po do i marr unë tokat!’”- ka deklaruar ai.
