Parlamenti i Turqisë kaloi sot një projektligj që zgjeron shumë të drejtat ekzekutive të presidentit turk, Rexhep Tajip Erdogan dhe i hap rrugën mbajtjes së referendumit për këto ndryshime kushtetuese.
Sipas mediave turke qeveria ka thënë se propozimet, që postin presidencial do e bëjnë ekzekutiv, për herë të parë në historinë e Turqisë moderne, do të sigurojë një administratë më të thjeshtë dhe më efektive/
Nga ana tjetër kritikët paralajmërojnë se kjo do i jap Erdoganit fuqi pa kontroll nga institucione të tjera.
Ndryshimet prej 18 nenesh të Kushtetutës janë miratuar me 339 vota pro në parlamentin me 550 ulëse.