Me një trajneri si Thomas Tuchel mund të ndodhë gjithçka, mund të kesh besimin e tij por edhe mund të përfundosh në stol edhe pse ke kushtuar sa “qimet e kokës”.
I tillë është rasti i Romelu Lukakut i cili ndoshta me golin që shënoi duke ardhur nga stoli ka shpëtuar veten në merkato megjithëse nuk ka përfunduar ende kjo situate e keqe e tij.
Nga kjo situatë mund të përfitojë sulmuesi shqiptar, Armando Broja, kartoni i të cilit i përket pikërisht klubit londonez.
Në fakt në Angli po shkruajnë çdo ditë për formën e jashtëzakonshme të Armando Brojës, me sulmuesin kuqezi që ka impresionuar në çdo ndeshje si titullar dhe as te Chelsea nuk e kanë anashkaluar.
Përkundrazi po përflitet se ka patur kërkesa të vazhdueshme nga tifozët për klubin e Chelseat që të tërheqë para kohe Brojën në Janar nga Southampton për të rivalizuar Lukakun dhe Werner të cilët deri më sot që flasim, Armando Broja i ka mundur me statistika dhe me gola në çdo aspekt.
Por lidhur me formën e sulmuesit kuqezi, shtypi anglez ka zbuluar një prapaskenë ku vetë futbollisti është thirrur personalisht në zyrë nga trajneri Hasenhuttl pas javëve të para pasi nuk po bënte mirë në fushë dhe siç shkruhet, qe pas atij takimi Broja nuk u ndal më e për trajnerin është një lojtar shumë i rëndësishëm për Southampton.
Lidhur me një rikthim të tij që në Janar te Chelsea, mund të ndodhë vetëm nëse të dyja klubet bien dakord dhe siç dihet në këto raste Southampton do të merrte një kompensim financiar për ndërprerjen e parakohshme të huazimit gjithmonë nëse nuk ka një klauzolë që Broja të kthehet në “Stamford Bridge” në mes të sezonit.
