Reshjet intensive gjatë 24 orëve të fundit kanë sjellë problematika me ujin e pijshëm në disa fshatra të njësisë administrative Postribë të Bashkisë Shkodër.
Banorët kanë shprehur shqetësimet e tyre mbi situatën në të cilën ndodhen. Ata shprehen se uji që ju vjen në banesë nuk është i pijshëm, duke thënë se i paguajnë rregullisht faturat e ujit, ndërkohë që uji nuk mund të përdoret.
‘Uji i pijshëm nuk është i pijshëm, dua që të merret iniciativa dhe të rregullohet sistemi i ujit se është kthyer në një tmerr. Kam ardhur nga Gjermania, po jetoj një 10 ditësh katastrof. A lahet njeriu me këtë ujë, më mirë të lahesh në këtë shi. është një turp i madh.’– thotë një banor në Shkodër.
Ndërsa një tjetër ka bërë të ditur se për këtë problem është ankuar prej 2 vitesh pasi situata është e njëjtë çdo dimër.
