Donald Veshaj është një ndër konkurrentët më të përfolur të shtëpisë së ‘Big Brother VIP’. Mirëpo gjatë qëndrimit të tij në shtëpi ai është parë herë pas here teksa ka bërë një simbol me duar, të cilin askush nuk e dinte se çfarë i referohej.
Aludime të shumta kanë qenë me faktin se kjo shenjë mund të kishte lidhje me ish-partneren e tij, Bora Zemanin.
Nga ana tjetër, mbrëmjen e djeshme, vëllai i tij binjak Romeo Veshaj, ka publikuar një foto në llogarinë e tij në “Instagram”. Në story-in e tij, ai ka fotografuar dorën e tij, ku ka bërë një simbol me dorë, të njëjtë me atë të shumëpërfolur të Donaldit.
Tashmë, është kuptuar që kjo është një shenjë mes vëllezërve binjakë, të cilët kanë gjetur mënyrën e komunikimit me njeri-tjetrin, me anë të gjuhës së shenjave.
Rikujtojmë se me hyrjen e Romeo Veshajt në shtëpinë e “Big Brother VIP” ka patur dyshime dhe aludime nga më të ndryshmet, që lidhen me një komunikim sekret të mundshëm që Romeo mund t’i ketë bërë Donaldit.
Njerëzit kanë dyshime se Romeo mund të jetë bërë shkas për krisjen e dyshes Donald-Beatrix.
Për këtë situatë, ka folur dhe ish-konkurrenti Ardit Çuni:
“Shikoj krisje në marrëdhënien e tyre, siç pritej nga publiku. Donaldi është distancuar, arsyet nuk di të t’i them se nuk jetoj në shtëpi më, por ndoshta që nga momenti që takoi Romeon.”-është shprehur ai.
