Gjatë 2 ditëve të fundit më shumë se 6500 persona janë futur në tokën shqiptare nëpërmjet pikës së kalimit kufitar të Kapshticës.
Pushimet e fundiviti, janë motivi kryesor që ka sjellë në kufi mijëra shqiptarë, të cilët pandemia i kishte mbajtur larg të afërmëve.
“Kemi ardhur për festat e fundvitit, situata ishte e mirë, s’patëm probleme”, u shpreh një qytetar.
“Po vijmë për festa, 3 muaj pa ardhur. Jo, s patëm asnjë lloj problemi. Gëzuar Krishtlindjen, gëzuar për shumë vjet”, tha një tjetër, raporton Euronews.
Në pikën e kalimit kufitar të Kapshticës në datën 22 dhjetor kanë hyrë 2414 persona, ndërkohë shifra është dyfishuar në datën 23, teksa kaluar traun drejt Shqipërisë 4005 persona.
Ndërkohë në doganën e Qafë Thanës që lidh vendin tonë me Maqedoninë e Veriut në datën 22 dhjetor kanë hyrë 1517 persona, ndërkohë një ditë më pas 1829 persona.
Për të hyrë drejt Republikës së Shqipërisë të gjithë udhëtarët duhet të kenë pasaportën e vaksinimit, një test PCR ose të karantinohen.
