Një gomone me motor të fuqishëm është bllokuar mëngjesin e sotëm nga policia e Vlorës.Brenda gomones u ndaluan dhe dy shtetas italianë.
Sipas policisë gomonia është pikasur herët dhe është bllokuar rreth orës 04:00 të mëngjesit.
“Shërbimet e Policisë Kufitare Vlorë në bashkëpunim edhe me forca të Delta Force dhe DVP Vlorë kanë bërë të mundur bllokimin e një gomone të fuqishme me dy shtetas italiane në bord”¬ njofton policia. Ajo thotë më tej se po kontrollohet territori pasi dyshohet për trafik të lëndëve narkotike.
