Mediat britanike shkruajnë se bandat kriminale shqiptare vazhdojnë të reklamojnë në rrjetet sociale kontrabandimet e emigrantëve drejt Britanisë së Madhe.
Së fundmi, britanikja “The Mirror” shkruan se “mafiozët shqiptarë po përdorin rrjetin social TikTok” për të komunikuar me emigrantë, të cilëve u garantojnë rrugë kalimi me kamionë drejt Anglisë.
Më shumë se 20 mijë Paund për familje u marrim emigrantëve këto banda shqiptare, vijon artikullin “The Mirror”.
“Udhëtimi i fundit për këtë vit për të takuar Mbretëreshën në Angli. Udhëtim i sigurtë brenda kamionit. 100% e sigurt. Për më shumë shkruani në DM”, shkruante dikush në TikTok.
Një tjetër shkruante: “Një tjetër udhëtim në Angli me kamion. 24 mijë Stërlina. Udhëtim i sigurtë për në Angli përpara Krishtlindjes. Na kontaktoni shpejt”.
”Mirror” raporton se Agjencia e Krimit në Britani të Madhe ka nënshkruar marrëveshje me Instagram, Facebook, TikTok dhe rrjete të tjera për të luftuar krimin e organizuar që shfrytëzon mediat sociale.
E megjithatë, 6 ditë pas nënshkrimit të kësaj marrëveshje, grupet kriminale të kontrabandimit të emigrantëve vazhdonin të bënin njoftime në TikTok.
Më shumë se 21 mijë persona u arrestuan gjatë këtij viti deri në muajin Shtator për hyrje të paligjshme në Britaninë e Madhe.
Dhe madje edhe në prag të Krishtlindjeve 150 refugjatë, duke përfshirë fëmijë dhe një foshnjë, u kapën në Kanal – 35 mbërritën pak para mesnatës dhe shumë të tjerë u shpëtuan brenda natës.
Ministri i Emigracionit Tom Pursglove kishte thënë për goditjen në internet: “Kontrabanduesit e njerëzve përdorin mediat sociale për të magjepsur, promovuar dhe përfituar nga këto kalime vdekjeprurëse dhe ne jemi të vendosur t’i ndalojmë ata”.
Familjeve që u përgjigjen reklamave për kalim me kamion u kërkohet të paguajnë me para në dorë. Ata ëndërrojnë për një jetë më të mirë.
Por rreziqet janë jashtëzakonisht të larta – siç tregohet tragjikisht nga 39 refugjatë vietnamezë që u mbytën në pjesën e pasme të një kamioni në Essex në vitin 2019.
Kur reporteri ynë i fshehtë u dërgoi mesazh trafikantëve, ata dhanë një numër celular në Mbretërinë e Bashkuar dhe kërkuan 22,000 £, të paguara me mbërritjen në Angli.
