Dita e djeshme, 25 dhjetor, ishte ditë tragjike për futbollin. Dy futbollistë kanë gjetur vdekjen në fushën e lojës, në Oman dhe Algjeri.
Lojtari i Muscat FC, Mukhaled Al-Raqad, në Oman, ndërroi jetë pas një infarkti në zemër, ndërsa Sofiane Loukar, i MC Saïda, në kategorinë e dytë algjeriane, vdiq pasi mori një goditje të fortë në kokë gjatë ndeshjes.
Al-Raqad pësoi infarkt gjatë nxemjes përpara ndeshjes dhe pavarësisht se mori menjëherë ndihmën mjekësore, nuk mbijetoi dot.
Ndërkohë që Loukar u përplas kokë më kokë me një kundërshtar dhe fillimisht gjithçka u duk në rregull. Sipas gazetës “El Khabar”, ai u trajtua nga mjekët e ekipit dhe u kthye sërish në lojë. Pas 10 minutash, ai u rrëzua në tokë dhe nuk u ngrit më.
