Një britanike që punonte si agjente imobiliare në Florida është qëlluar për vdekje teksa po përgatitej t’i tregonte një pronë një ish qiraxhiu që ishte dëbuar më parë.
Sara Trost, 40 vjeç, nga Southend, Essex, u qëllua të enjten teksa ishte ulur në makinën e saj ‘Jeep’ jashtë një shtëpie në Coral Springs, rreth orës 12:33 të mesditës, citon The Guardian.
Për këtë ngjarje të rëndë, u vu në pranga Raymond Reese, 51 vjeç.
Një zëdhënës tha: “Pas një hetimi të gjerë, Raymond Wesley Reese është akuzuar për vrasje të shkallës së parë.”
Hetuesit nuk kanë dhënë detaje rreth ngjarjes së rëndë. Shërbimet e urgjencës u përpoqën t’i shpëtonin jetën Trost-it, por ajo vdiq para se të arrinte në spital për shkak të plagëve të rënda.
