Tetë kg kokainë edhe 143,200 euro janë sekuestruar në vijim të operacionit të madh të policisë italiane për goditjen e një klani që merrej me trafikun e kokainës.
Gjithashtu, janë gjetur para edhe në fshatin nga ku ushtronte aktivitetin organizata.
Lënda narkotike ishte futur në pako me telefon, ku fshiheshin sasi droge prej 30, 40 dhe 50 mijë euro.
Mediat italiane shkruajnë se shumë prej atyre që merreshin me shpërndarjen e drogës kishin ëndrra të mëdha për të fituar nga 30.000 euro dhe për t’u kthyer në Shqipëri për të “blerë shtëpi”. Gjatë një bisede të përgjuar, njëri nga personat e përfshirë ka thënë se “Bosi ka fituar 300.000 euro”. Porcioni i kokainës shitej me rreth 40 euro.
Organizata ishte përfshirë edhe në konflikte me grupet rivale. Kështu më 25 prill të vitit 2014, ka shpërthyer një përleshje e dhunshme mes shqiptarë pranë një klubi nate në Corciano, gjatë së cilës “bosi” është qëlluar me thikë në gjoks.
Në vend që të dërgohej në dhomën e urgjencës në Perugia, ai është dërguar në një spital në Arezzo, duke shmangur kështu intervistën e policisë si dhe duke dhënë gjeneralitete të rreme.
